Американскиот носач на авиони USS Nimitz (CVN-68), најстариот активен суперносач на американската морнарица, моментално работи во Карипското Море, потврди Јужната команда на вооружените сили на Соединетите Американски Држави (SOUTHCOM).
Ова е прво присуство на американски носач на авиони во тој регион откако USS Gerald R. Ford беше распореден на Блискиот Исток во февруари.
SOUTHCOM изјави на социјалната мрежа X:
„Добредојдовте на Карибите, ударна група на носачот на авиони Нимиц“, нагласувајќи дека носачот и придружните бродови претставуваат врв на подготвеност и стратешки предности на американската морнарица.
Пристигнувањето на USS Nimitz се совпадна со информациите од Министерството за правда на САД дека поранешниот кубански претседател Раул Кастро е обвинет за убиство за неговата наводна улога во соборувањето на два американски цивилни авиони во 1996 година, објавува Forbes.
Американскиот претседател Доналд Трамп изјави дека Куба повторно е во фокусот на администрацијата во Вашингтон.
САД со години одржуваат речиси целосна блокада на островот, што доведе до недостиг на гориво и чести прекини на електричната енергија.
„Многу е важно. Тоа беше голем момент за Кубанците во САД, но и за луѓето кои сакаат повторно да ги видат своите семејства на Куба“, рече Трамп по објавувањето на обвинението против Кастро.
Бродот „УСС Нимиц“ моментално плови кон своето ново пристаниште во Норфолк, Вирџинија, САД.
Поради својата големина, не можеше да помине низ Панамскиот канал, па затоа продолжи да плови по рутата околу Јужна Америка преку Магеланскиот теснец.