Кина поднесе формална жалба до Светската трговска организација (СТО) против одлуката на САД да ги зголемат царините за кинески стоки за 10 отсто, јави Ксинхуа.
Loading...
Според кинеското Министерство за трговија, жалбата била поднесена за да се заштитат „легитимните права и интереси“ на Кина.
Кина ги обвини американските власти за „злонамерни дејствија“ и тврди дека воведените тарифи се „еднострани и неправедни“.
Жалбата е поднесена според механизмот за решавање спорови на СТО, кој треба да одлучува за овој трговски спор.
Пазарите во Кина останаа затворени за празникот Лунарна Нова Година, додека пазарите во азиско-пацифичкиот регион пораснаа откако беше објавено дека царините за производите од Канада и Мексико се суспендирани.