На противпожарните служби во Калифорнија им помагаат колеги од осум американски држави, вклучително и Тексас, како и од Канада и Мексико, соопштија вчера официјални лица.
„Овие засилувања се од клучно значење не само за напорите за гаснење на пожарот, туку и како многу потребно помош за храбрите пожарникари на првите линии за гаснење на пожарот“, објави пожарникарството Кол, според CBS News.
Најмалку 16 луѓе ги загубија животите во пожарите кои беснеат во Лос Анџелес, а повеќе од 12.000 згради се уништени.
Се проценува дека најмалку 13 лица се водат како исчезнати.
Најголемиот пожар во населбата Палисадес се уште гори, а само мал дел е локализиран.
Пожарникарите се обидуваат да го спречат ширењето на пожарот во Лос Анџелес пред повторно да почнат да дуваат силни ветришта, кои би можеле да го насочат пламенот кон познатиот музеј Џеј Пол Гети и Универзитетот во Калифорнија во тој град (UCLA), јавуваат американските медиуми.
Шефот на пожарникарите Кристијан Лиц рече дека фокусот на напорите за гаснење е во населбата Палисадес, област недалеку од кампусот на UCLA.
Се гаси пожар во кањонот Мандевил, дом на актерот Арнолд Шварценегер и други познати личности, јавува АП.
Високиот ризик од ширење на шумските пожари во Калифорнија ќе продолжи и во наредните денови, а црвеното предупредување ќе остане во сила до среда за поголемиот дел од американската сојузна држава, со оглед на тоа дека не се очекува слабеење на ветровите кои го отежнуваат гасењето на пожарите.
Критичната зона на ризик од пожар опфаќа област каде живеат повеќе од осум милиони луѓе, пишува ABC News.
Одделот на шерифот на округот Лос Анџелес соопшти дека „строго ќе го спроведе“ полицискиот час во задолжителните области за евакуација во близина на пожарите Палисадес и Итон.
Полицискиот час, кој е во сила од 18 часот до 6 часот наутро во погодените области, е воведен за да се заштити населението и да се овозможи ефективно работење на персоналот за итни случаи, соопштија од одделот на шерифот на платформата „Х“.
Полицијата соопшти дека во последните денови уапсила 20 лица.
Новоизбраниот претседател Доналд Трамп ги нарече калифорниските политичари „неспособни“ во справувањето со пожарите, а официјалните лица одговараат дека тој допрва треба да прифати повеќекратни покани да ги посети областите погодени од пожарите.
Многумина се обидуваат да профитираат од оваа ситуација.
Луѓето раселени од пожарите кои бараат сместување велат дека цените на хотелските соби се повисоки од наведените на нивните веб-страници, а грабежите продолжуваат.