Грчкиот остров Санторини беше погоден од серија последователни земјотреси и беше прогласена вонредна состојба.
Серијата земјотреси доведоа и до лизгање на земјиштето на една од најпознатите плажи, Црвената плажа.
Популарната Црвена плажа на островот Санторини, позната по впечатливиот црвен песок и вулканските карпи, сега е затворена.
Снимките објавени на социјалните мрежи покажуваат одрони кои паѓаат по карпите.
До Црвената плажа, до која претходно можеше да се стигне од археолошкиот локалитет Акротири, сега е достапна само со брод.
Црвената плажа се наоѓа во близина на античкиот локалитет Акротири.
Отсекогаш била препознатлива по своите спектакуларни црвени карпи кои стрмно се спуштаат до тиркизното море. Бојата на песокот и карпите е резултат на вулканското потекло на островот.
Плажата е мала и отсекогаш била полна со туристи. Многумина го сметаа за задолжителна дестинација за посетителите на Санторини.
Да потсетиме дека на грчкиот остров Санторини беше прогласена вонредна состојба откако беше погоден од силен земјотрес, принудувајќи илјадници луѓе да се евакуираат.
Со јачина од 5,2 степени според Рихтеровата скала, тоа е најсилниот земјотрес што го погодил островот во последните недели, а се случил на длабочина од 5 километри, по низа сеизмички активности.
Илјадници луѓе го напуштија Санторини и соседните острови во Егејското Море поради страв дека допрва следува уште еден, многу посилен земјотрес, кој може да доведе до цунами или дури и вулканска ерупција.
Грчките власти претходно денеска најавија драстични мерки кои ќе важат до 1 март, објави порталот Real.gr.
Σαντορίνη: Μεγάλη κατολίσθηση στην Κόκκινη Παραλία Τουρίστες έβγαζαν selfies στο χείλος του γκρεμού
🖇️ https://t.co/LlVgbyJeBH#σεισμος #Σαντορινη #σεισμός #Σαντορίνης pic.twitter.com/h5Np5JwXeQ— in.gr/news (@in_gr) February 4, 2025