Високиот претставник на Европската Унија за надворешни работи и безбедносна политика, Каја Калас, разговараше по телефон со иранскиот министер за надворешни работи, Абас Арагчи, за ситуацијата во Персискиот Залив, како и за воената поддршка на Техеран за Москва.
„Во Заливот, одморот од борбите може да им даде време на медијаторите да најдат начин да се вратат на дипломатијата и да спречат враќање на целосна војна“, рече Калас во објава на Платформа X.
За време на разговорот, Калас го осуди и краткотрајното притворање на двајца француски дипломати во Иран, оценувајќи ја таа акција како „неприфатлив чин на агресија“.
„Сите земји-членки на ЕУ ги осудија овие акции“, изјави таа.
Калас го повтори повикот на Европската Унија до Иран да ја прекине воената поддршка за Русија, наведувајќи дека го покренала прашањето во разговор со Арагчи.
„Го повторив мојот повик до Иран да ја прекине воената поддршка за Русија“, нагласи Калас, цитиран од Танјуг.
Високиот претставник на ЕУ го оцени охрабрувачки тоа што Арагчи разговарал со украинскиот министер за надворешни работи Андриј Сибих, со цел намалување на тензиите по украинскиот напад врз ирански брод во Каспиското Море.