Израелскиот министер за одбрана Израел Кац изјави дека Израел ќе ја задржи безбедносната контрола над Газа со целосна слобода на дејствување, по потенцијалната победа над Хамас во палестинската енклава, објави денеска Ројтерс.
Прашањето за повоеното управување со Газа се покажа како спорно во претходните рунди разговори за примирје меѓу Израел и Хамас.
Американските власти изразија поддршка за палестинската управа, која во моментов владее со окупираниот Западен Брег, по некои реформи, да ја преземе контролата врз Газа по војната, како дел од напредокот кон решението со две држави.
Израел, иако ја признава палестинската управа како легитимна влада што го претставува палестинскиот народ, претходно најави дека нема да дозволи управата на Западниот брег да го преземе Појасот Газа.