Адвокатскиот тим на суспендираниот јужнокорејски претседател Јун Сук-Јеол денеска поднесе тужба за бунт против началникот на Канцеларијата за истраги за корупција (ЦИО) О Донг-ун и шефот на Националното биро за истраги Ву Јонг-су за нелегално влегување во претседателската резиденција и апсење на претседател.
Адвокатите на Јун тврдат дека рацијата во резиденцијата и апсењето на претседателот претставувале бунт, попречување на службените должности и кршење на воените тајни, објави Јонхап.
„Мобилизираа повеќе од 3.700 полицајци за да упаднат во претседателската резиденција и да го уапсат претседателот, прекршувајќи го законот“, се вели во соопштението на адвокатскиот тим на Џун.
Вчера, истражителите од ЦИО и полицијата повторно се обидоа да го уапсат Јун, откако тој игнорираше три покани за сослушување во врска со неуспешниот обид за воведување воена состојба на 3 декември.
Во вторникот, Уставниот суд почна судење за неговата смена.