Јапонија внимателно ги следи заедничките руско-кинески вежби кои во моментов се одржуваат во Јапонското Море, изјави денеска јапонскиот министер за надворешни работи Јошимаса Хајаши.
„Внимателно ги следиме тековните заеднички маневри на руската и кинеската армија од гледна точка на обезбедување на безбедноста на нашата земја“, нагласи јапонскиот министер за надворешни работи на прес-конференцијата, пренесува ТАСС.
Руското Министерство за одбрана претходно објави дека Русија и Кина ќе одржат заеднички поморски и воздушни вежби, со кодно име Северна интеракција-2023, во Јапонското Море од 20 до 23 јули.
Вежбата, како што е најавено, има за цел да ја подобри воената и поморската соработка меѓу Русија и Кина, како и да ја зачува стабилноста и мирот во азиско-пацифичкиот регион.