Во текот на ноќта, холандските власти уапсија тројца осомничени за тероризам во Ротердам, Ајндховен и општина Алкмар, како дел од истрагата за тероризам, објави денес холандското државно обвинителство, додавајќи дека тие биле на возраст меѓу 16 и 19 години.
Како што објави холандскиот јавен сервис НОС, апсењата биле извршени речиси истовремено, заедно со претресите на просториите каде што престојувале осомничените.
Според локалниот весник „Ејндховенс Дагблад“, во куќата во Ајндховен живел деветнаесетгодишен млад човек од турско потекло, идентификуван само со иницијалите М, кој бил уапсен на истата адреса во мај 2023 година под сомнение дека е поддржувач на терористичкото движење Исламска држава.
Според обвинителството од тој случај, во преписката се разговарало и за обезглавување, набавка на оружје и експлозиви, како и за одење во Авганистан за да се придружи на огранокот на Исламска држава Хорасан (ИСКП).
На почетокот на 2024 година, судот во Ротердам процени дека апсењето на тогаш шеснаесетгодишниот осомничен и неговите соработници веројатно спречило голема штета за општеството во Холандија и Белгија, пренесува Танјуг.