Три лица загинаа, а уште две се повредени кога хеликоптер кој снимал за NBC Los Angeles се урна во Чатсворт, Лос Анџелес, додека известувал за сообраќајна несреќа во која претходно загинаа две лица, соопштија пожарникарите и NBC Los Angeles.
При падот на хеликоптерот, загинаа фоторепортерката Елијана Морено и пилотот Џорџ Марчинив, вработени во компанијата „Angel City Air“, која го управувала леталото, како и едно лице кое било на земја во моментот на падот, јавува NBC.
Хеликоптер се урна синоќа на паркингот на складиште за стока во Чатсворт, во долината Сан Фернандо, а по падот избувна пожар кој се прошири на паркираните возила во близина, објавија пожарникарите.
Тие изјавија дека на местото на несреќата пронашле три мртви лица, додека две лица се пренесени во болница, а нивната здравствена состојба не е веднаш објавена.