ХАОС ВО НАЈАВА: Што се случува на границата меѓу Тексас и Мексико?

Сподели со своите пријатели

Спорот меѓу републиканската администрација на гувернерот Грег Абот во Тексас и администрацијата на американскиот претседател Џозеф Бајден продолжува, бидејќи Тексас одби да им дозволи на агентите на Федералната гранична служба да се приближат до паркот Шелби, област на границата на државата и Мексико преку која незаконски влегуваат имигранти.

Loading...

Американскиот Врховен суд пред седум дена пресуди дека федералните служби имаат право да навлезат во областа и да ја отстранат бодликавата жица што ја поставија властите во Тексас за да се обидат да го намалат големиот број нелегални влегувања во САД, јавува Гласот на Америка.

Републиканскиот гувернер Грег Абот рече дека Тексас нема да дозволи Федералната гранична патрола „некогаш повторно да се приближи до таа област“.

Абот тврди дека администрацијата на Џозеф Бајден не го решава проблемот со илегалните имигранти кои преку Тексас влегуваат во САД од Мексико и затоа вовел мерки како што се поставување бодликава жица или пловечки бариери во реката Рио Гранде што ја минуваат мигрантите.

ПРОЧИТАЈТЕ И:  Американските сили уништија дронови и противбродски ракети на Хутите

Абот најави дека ќе биде поставена уште бодликава жица долж границата со Мексико и посочи дека Тексас има право да се брани од „инвазија“ на мигранти, изјава оспорена од адвокатите кои посочуваат дека заштитата на границата е одговорност на федералниот влада.

Тексасските власти ја презедоа контролата врз областа Шелби Парк како дел од кампањата „Осамена ѕвезда“, која трае од 2021 година, а чија цел е борба против илегалната имиграција.

Освен што имаа свои патроли, властите во Тексас минатата година ставија имигранти во автобуси и ги испратија во градовите со демократски градоначалници, како Вашингтон или Њујорк, јавува Гласот на Америка.

Според официјалните податоци, во декември 2023 година полицијата регистрирала повеќе од 300.000 илегални премини на границите, што се смета за рекорден број за еден месец.

Loading...
ПРОЧИТАЈТЕ И:  На американската влада ѝ се заканува блокада поради неусвојувањето на буџетот

Голем број на нелегални влегувања во САД минуваат низ Тексас.

Тензиите меѓу Тексас и федералните власти дополнително ескалираа кога возрасен и две деца се удавија во реката Рио Гранде во средината на јануари.

Федералните власти го обвинуваат Тексас дека им забранил да патролираат по реката Рио Гранде во потег што го затворија властите во Тексас, велејќи дека можеле да дејствуваат доколку виделе мигранти во реката во близина на паркот Шелби.

Тексасската војска го негира ова и тврди дека мексиканските власти ги пронашле телата на мигрантите уште пред федералните власти да сакаат да се приближат до затворената област.

Тензиите на границата доаѓаат додека демократите и републиканците во Конгресот се обидуваат да се договорат за легислатива што ќе вклучува и помош за Украина и Израел и средства за дополнителна заштита на границите, за што републиканците се залагаат.

ПРОЧИТАЈТЕ И:  Варшава: Америка ќе биде виновна ако Русите напредуваат

Иако се чинеше дека на повидок е договор, на крајот од минатата недела дојде веста дека нацрт-договорот може да пропадне во Сенатот, бидејќи некои републиканци, вклучително и поранешниот претседател Доналд Трамп, кој не учествува во преговорите, сметаат дека не е направено доволно за да се заштити јужната граница на Соединетите Држави.

Спикерот на Претставничкиот дом Мајк Џонсон се изјасни против актуелниот нацрт, велејќи дека предлогот нема да помине доколку не биде изменет, јави Гласот на Америка.