Ново глобално истражување покажа дека некои од најпопуларните туристички дестинации се исто така земји каде што возењето може да биде доста непријатно.
Италија е светски позната туристичка дестинација, препознатлива по својата уметност, иконски пејзажи и одлична храна. Но, кога станува збор за сообраќајот, сликата е малку поинаква.
Според испитаниците во неодамнешното глобално истражување, Италија има најагресивни возачи.
Дури 23 проценти од возачите изјавиле дека таму доживеале непредвидливо или ризично однесување во сообраќајот.
Велика Британија се најде на второто место, што можеби не е очекуваниот резултат.
Иако земјата најчесто се поврзува со зелени ридови и многу удобни автомобили, 11 проценти од анкетираните возачи рекле дека таму доживеале агресивно однесување. Лондон се издвои меѓу најчесто споменуваните градови, пишува Euronews.
Кои однесувања на возачите најмногу ве нервираат?
Соединетите Американски Држави го освоија третото место со девет проценти, по што следат Франција и Австралија, обете со пет проценти.
Шпанија и Турција го зазедоа заедничкото петто место. Во обете земји, четири проценти од испитаниците изјавиле дека доживеале најголема агресија на тамошните патишта.
Се чини дека возачите се најиритирани од ситуацијата кога другите возачи не го користат трепкачот при свртување. Таквото однесување го споменале 56 проценти од испитаниците.
Голем проблем е возењето премногу блиску до возилото пред вас, што им пречи на 46 проценти од возачите.
Потоа следува бавното возење во лентата за престигнување, што го споменале 43 проценти од испитаниците, и наглото сопирање, што им пречи на 20 проценти од нив.
Кои земји се прогласени за најпријателски настроени?
Искуството со учтивоста на жителите на одредена земја се разликува во зависност од тоа дали се зад воланот или надвор од сообраќајот, но сепак одредени трендови се повторуваат.
Италија, исто така, се пласираше лошо во друга анкета, овој пат за општа учтивост.
Во анкета спроведена од компанијата за финансиски услуги „Ремитли“, Италија се рангираше на 24-то место од 25 анкетирани земји. Само Австрија се покажа полошо.
На врвот на листата е Јапонија, каде што поклонувањето сè уште се смета за израз на почит. По неа следуваат Канада на второ место и Велика Британија на трето место.
Во истата анкета, испитаниците требало да го оценат и сопственото однесување, т.е. дали се сметаат себеси за љубезни и дали се однесуваат кон странците со почит.
Интересно е што Јапонците си дадоа еден од најниските резултат, иако сепак беше висок, 8,73 од 10.
Жителите на Бразил и Чиле меѓу анкетираните земји во најголема мера се сметааt себеси за најпријателски настроени во светот, давајќи си просечна оценка од 9,46.
Следат Индијците со 9,41, по што следат Швеѓаните и Французите, кои си дадоа просечна оценка од 9,40.