Српскиот тенисер Новак Ѓоковиќ по победата на завршниот Мастерс во Торино напредуваше за три позиции и го зазема петтото место на АТП листата објавена денеска.
Ѓоковиќ вчера го победи Норвежанецот Каспер Руд (7:5, 6:3), го израмни рекордот на Роџер Федерер, но и со новите 1.500 поени напредуваше за три позиции и ќе ја заврши сезоната како петти тенисер во светот со 4.820 поени на неговото конто.
Српскиот тенисер сега има точно 2.000 поени помалку од првопласираниот Шпанец Карлос Алкараз, а 1.200 помалку од второпласираниот Шпанец Рафаел Надал.
Норвешки Руд сега е трет на АТП листата, Гркот Срефанос Циципас е четврти, додека Канаѓанецот Феликс Огер-Алиасим ја задржа шестата позиција.
Русинот Данил Медведев падна на седмото место, а неговиот сонародник Андреј Рубљев на осмото, Американецот Тејлор Фриц и натаму е деветти, додека Полјакот Хуберт Хуркач ја заврши сезоната како десетти играч во светот.
АТП листа:
1. Карлос Алкараз (Шпанија) 6.820 бодови
2. Рафаел Надал (Шпанија) 6.020
3. Каспер Руд (Норвешка) 5.820
4. Стефанос Циципас (Грција) 5.550
5. Новак Ѓоковиќ (Србија) 4.820
6. Феликс Огер-Алиасиме (Канада) 4.195
7. Данил Медведев (Русија) 4.065
8. Андреј Рубљов (Русија) 3.930
9. Тејлор Фриц (САД) 3.355
10. Хуберт Хуркач (Полска) 2.905