Граничната агенција на Европската унија Фронтекс ќе го зголеми тројно бројот на своите членки во Бугарија почнувајќи од следниот месец за да помогне да се запре бројот на луѓе кои преминуваат во ЕУ од Турција, пренесува Танјуг.
Зголемувањето на бројот на персоналот на Фронтекс на границата со Турција доаѓа како резултат на подготовката на Бугарија за делумно пристапување во Шенген зоната, со која од 31 март ќе се укинат пасошите за луѓето кои патуваат меѓу Бугарија и земјите од Шенген зоната по воздушен и морски пат.
Остануваат граничните проверки за копнено патување, пренесува Ројтерс.
Зголемувањето на персоналот ќе го доведе вкупниот број на гранични полицајци на Фронтекс меѓу 500 и 600, рече Ханс Лајтенс, шеф на граничната агенција на ЕУ.
Бугарија е важен партнер
„Бугарија е многу важен партнер. Без Бугарија не можеме да ги заштитиме нашите надворешни граници“, додаде Лајтенс.
Фронтекс соопшти дека минатата година биле регистрирани 380.000 нерегуларни премини во ЕУ преку сите граници, што е најголем број од 2016 година.
Вкупниот број на мигранти е помал отколку во 2015 и 2016 година, кога е забележан рекорден број пристигнувања, а дека растот на бројот на луѓе кои бегаат во Европа е поттикнат од сиромаштијата и војните на Блискиот Исток и Африка.