Во Манила е прогласена вонредна состојба поради обилните врнежи во регионот на главниот град на Филипините предизвикани од предвидениот тајфун Гема.
Додека дождот ја поплави Манила и околните градови, филипинската крајбрежна стража соопшти дека 260 патници и 16 пловни објекти се блокирани во пристаништата, а 114 летови од Манила се откажани, а училиштата се затворени, пренесува Ројтерс.
Невремето, кое е се посилно како што се движи кон кинескиот регион Тајван, не стигна до Филипините, но ги засили сезонските монсунски дождови, предизвикувајќи лизгање на земјиштето и поплави во изминатите неколку дена, пренесува Танјуг.
Претседателот Фердинанд Маркос Јуниор им порача на агенциите за помош при катастрофи да пружат помош и да подготват материјали за изолираните заедници.
Во градот Марикина покрај реката, работниците за итни случаи користеа гумени чамци за да ги спасат жителите од поплавените домови.
Објавите на социјалните мрежи покажаа неколку возила заглавени во вода или како лебдат по улиците и автопатите.
На Филипините годишно се случуваат околу 20 тропски бури кои предизвикуваат поплави и лизгање на земјиштето.