По речиси една година откако Марк Цукерберг ги објави плановите да се пробие во светот на дигиталните токени, без големо изненадување оваа приказна е при крај.
Мета ја прекинува својата поддршка за NFT на Фејсбук и Инстаграм, помалку од една година откако го објави својот упад во областа на дигиталните токени на споменатите платформи.
– Засега ги откажуваме дигиталните токени (NFT), со цел да се фокусираме на други начини на кои можеме да ги поддржуваме креаторите, луѓето и бизнисите – рече Стефан Касриел, rаководител за трговија и финансии во Мета.
Не е објаснето зошто Мета го менува својот став за NFT, за кои Цукерберг еднаш сугерираше дека ќе игра голема улога во плановите на компанијата за метаверс.
Сепак, ова не е единствената амбициозна иницијатива на компанијата која пропадна во изминатата година.
Мета, исто така, го затвори својот Novi крипто-паричник минатата година, кој исто така требаше да има поддршка за NFT.
Компанијата, исто така, стави крај на Reality Labs, во рамките на нејзината поделба на метаверс, како и програмата што плаќаше бонуси на креаторите на Reels.