Претседателот на Европскиот совет, Антонио Коста, во четврток изјави дека е „згрозен“ од третманот на израелскиот министер за безбедност, Итамар Бен-Гвир, кон членовите на хуманитарната флотила што се обиде да влезе во Газа.
Видео објавено во среда покажува како израелската полиција ги принудува активистите од флотилата за хуманитарна помош што се упатува кон Газа да клекнат со рацете врзани зад грб, додека Бен-Гвир гледа и коментира.
„Згрозен сум од третманот на израелскиот министер Бен-Гвир кон членовите на флотилата. Таквото однесување е целосно неприфатливо. Повикуваме на нивно ослободување“, напиша Коста во објава на социјалната мрежа X.
Far-right National Security Minister Itamar Ben-Gvir released a video showing detained participants of the intercepted Gaza-bound flotilla being bound and dragged in Israel’s Ashdod Port, writing, “That’s how we welcome the terror supporters. Welcome to Israel.”
Read more here:… pic.twitter.com/Uuc9AXONsi
— Haaretz.com (@haaretzcom) May 20, 2026
Високиот претставник на Европската унија за надворешна и безбедносна политика, Каја Калас, го критикуваше израелскиот крајно десничарски министер еден ден претходно, нарекувајќи го неговото однесување „понижувачки и погрешно“.
„Третманот кон активистите на флотилата „Глобал Сумуд“, вклучувајќи ги и граѓаните на ЕУ, беше понижувачки и погрешен“, рече Калас во соопштението, додавајќи дека таквото однесување „не доликува на никого што врши функција во демократија“, додаде таа.
Полска бара извинување
Полскиот министер за надворешни работи изјави во четврток дека го повикал вршителот на должноста амбасадор на Израел во врска со притворањето на активистите, вклучувајќи ги и полските државјани, барајќи нивно ослободување и извинување.
„Полска цврсто го осудува однесувањето на претставниците на израелските власти кон активистите на флотилата „Глобал Сумуд“ кои беа приведени од израелската армија, вклучувајќи ги и полските државјани“, рече Радослав Сикорски во објава на X.
Шпанскиот премиер Педро Санчез, исто така, изјави во среда дека снимката на која Бен-Гвир се потсмева на членовите на флотилата е неприфатлива.
„Нема да толерираме никого да ги злоупотребува нашите граѓани“, објави Санчез на X, додавајќи дека неговата влада ќе инсистира забраната за влез во Шпанија на Бен-Гвир веднаш да се прошири на целата Европска Унија.
Четириесет и четири шпански активисти приведени во Израел, кои беа на флотила со хуманитарна помош наменета за Газа, треба да се вратат во Шпанија во четврток, објави министерот за надворешни работи Хозе Мануел Албарес.
Активистите беа на флотилата што израелските сили ја пресретнаа во меѓународни води во вторник, а подоцна беа транспортирани во израелско пристаниште.
Флотилата, која исплови од јужна Турција, направи уште еден обид да достави помош во воено разорената Газа, откако Израел пресретна претходни мисии во меѓународни води.