Организацијата Нова ИРА е осомничена за експлозијата на автомобил пред полициската станица во Белфаст, Северна Ирска, соопшти денеска полицијата на Северна Ирска.
Експлозијата се случила во саботата вечерта и нема повредени, само евакуирани, меѓу кои и две бебиња, јавува Јуронуз.
Автомобилот експлодирал откако „направа од типот на плинска боца“ била ставена во украдениот автомобил за испорака и однесен до локацијата, соопшти полицијата.
Нападот уследи по сличен обид за бомбашки напад на 30 март, кога направа не експлодирала пред полициска станица во блискиот град Лурган, за која одговорноста ја презеде паравоената група Нова ИРА.
„Има многу сличности меѓу двата инциденти и нашата рана работна хипотеза е дека ова би можело да биде дело на Новата ИРА“, им рече на новинарите заменик-началникот на Констал Боби Синглтон.
Како што рече, истрагата се уште е во рана фаза и додаде дека прелиминарните резултати покажале дека „убиствените намери и способности“ се уште постојат во паравоените формации на територијата на Велика Британија.
Новата ирска републиканска армија или Нова ИРА е ирска републиканска паравоена група формирана во 2012 година со спојување на Реал ИРА со Републиканската акција против дрогата (РААД) и други мали републикански милитантни групи.
Новата ИРА изврши многу напади врз полицијата на Северна Ирска (ПСНИ) и британската армија и се смета за најголема и најактивна од другите паравоени групи, но помала од првобитната ИРА, пренесува Танјуг.