Гувернерот на Џорџија Брајан Кемп потпиша закон со кој се забрануваат повеќето операции за промена на полот и хормонска заместителна терапија за трансродовите лица помлади од 18 години.
Членовите на Сенатот дадоа конечно одобрување за нацрт-законот, и покрај протестите на демократските пратеници и активисти за правата на ЛГБТ популацијата, а како што пренесува АП, законот е дел од напорите на конзервативните сили во САД да ги ограничат правата на трансродовите спортисти, дрег преетстави и мерки на родова афирмација.
„Ги ценам часовите на дебата и советување и почитта на членовите на собранието што резултираше со конечно усвојување на овој закон. Како граѓани на Џорџија, родители и избрани лидери, нашата најголема одговорност е да ја заштитиме светлата иднина на нашите деца, а оваа легислатива презема важен чекор во исполнувањето на таа мисија“, рече Кемп.
Противниците на законот тврдат дека новиот закон претставува неуставно кршење на правата на родителите, а Американската унија за граѓански слободи објави, пред Кемп да го потпише законот, дека ќе ги искористи „сите правни средства што и се на располагање“ за да го поништи.
Според АП, лекарите сè уште можат да препишуваат лекови за блокирање на пубертетот според законот во Џорџија кој ќе остане на сила до 1 јули.
Од друга страна, претседателот на конзервативната група Frontline Policy, Кол Музио, се заложи за уште построги забрани и, и покрај тоа што го поздрави потпишувањето на новиот закон од Кемп, го нарече „еден од најслабите во земјата“ и најави борба за повеќе ограничувања.
„Гувернерот Кемп никогаш не се плашел да ги заштити децата и ја цениме неговата постојана посветеност на спротивставените радикални и штетни причини“, рече Муцио.
Трансродовите млади луѓе и нивните родители лобираа против законот во последниве недели, предупредувајќи дека пратениците дополнително ја маргинализираат групата за која се вели дека е склона да си ги одземе животите со алармантно висока стапка.
Пратениците од Републиканската партија негираа дека „некому му посакуваат зло“, со образложение дека „на срце го имаат најдобриот интерес на децата“.