Две лица биле приведени викендов во Липково откако специјалците пронашле оружје и дрога во нивните домови.
– На 11.10.2024, Одделот за криминалистичка полиција – Сектор за недозволена трговија со дрога, оружје и опасни материи – Единица за недозволена трговија со оружје, опасни материи и радиоактивен материјал во заедничка и координирана акција со Специјалната антитерористичка единица Тигар и СВР Куманово ги лишија од слобода Н.А.(34) и А.М.(37), двајцата од село Никуштак, општина Липково, информираат од Министерството за внатрешни работи.
Како што додаваат од полицијата, при претрес во нивните домови и други простории, извршени со судска наредба, биле пронајдени и одземени два пиштоли „Црвена Застава“ со 28 куршуми калибар 7,62 мм, еден автоматски пиштол „Шкорпион“, едно пакување со марихуана и едно патничко возило „мерцедес“ без регистарски ознаки.
– Лицата биле приведени во полициска станица и против нив е поднесена соодветна кривична пријава по член 396 став 2 од Кривичниот законик, а од судија на претходна постапка на А.М. му е одредена мерка притвор, додека на Н.А. му е одредена мерка претпазливост, стои во соопштението.
Никола Ивановски