Американскиот претседател Доналд Трамп изјави дека земјата е посветена на „купување и поседување“ на Газа и може да им дозволи на другите земји од Блискиот Исток да помогнат во нејзиниот развој.
Тој им изјави на новинарите во неделата и додаде дека треба да се размислува како голема локација за недвижнини и дека Америка ќе ја поседува и полека, многу бавно ќе ја развива, пишува Вашингтон пост.
„Што се однесува до реконструкцијата, можеме да ја дадеме на други земји од Блискиот Исток за да изградат делови од неа. Други луѓе можат да го направат тоа, под наше покровителство“, рече Трамп.
Според него, Америка ќе ја направи Газа „многу добро место за развој“.
„Луѓето можат да дојдат од целиот свет и да живеат таму“, рече тој, додавајќи дека ќе размисли да дозволи некои Палестинци да се населат во Америка.
Минатата недела Трамп рече дека Америка треба да ја преземе Газа и да ги исели сите нејзини жители, како и да ја претвори во „ривиера на Блискиот Исток“, изјава што предизвика бес кај арапските земји, како и кај Обединетите нации и западните земји, пренесува Танјуг.