Да победи демократијата и да победи Македонија, ова го порача денеска кандидатот за претседател на Движењето ЗНАМ – За наша Македонија и актуелен градоначалник на Куманово, Максим Димитриевски.
Тој во придружба на сопругата Надица, денеска околу пладне го оствари своето гласачко право во ООУ „11 Октомври“ во Куманово.
– Народот да се одважи, да излезе, да излезе што помасовно и да ја даде поддршката на тој за кој смета дека ја заслужува. А секако јас како кандидат ќе ја почитувам нардоната волја на сите граѓани на Макеоднија. Нека денешниот ден биде празник на демократијата во Македонија и на Балканот, порача Димитриевски.
Како што рече, според информациите со кои располагал во тој момент, освен одредени технички проблеми, гласањето се одвивало непречено.
– Со оглед дека водевме нерамномерна кампања, особено во делот на медиумскоското спонзорирање каде што најголем дел од средствата ги имаа самонаречените големи партии, мислам дека граѓаните тоа го препознаваат и на крајот ќе излезе ставот којшто тие ќе го кажат. Очекувам така да продолжи и во текот на денот, но кога ќе се пребројат гласовите тогаш ќе биде се јасно, рече тој.
Никола Ивановски