Во рускиот ракетен напад врз централниот украински град Криви Рих, родниот град на претседателот Володимир Зеленски, што се случи вчера, загинаа 18 лица, меѓу кои девет деца, соопштија утрово украинските власти.
Ракетниот напад, еден од најсмртоносните во последните недели, се случи во станбена зона на индустрискиот град, во близина на детско игралиште.
– Бројот на загинатите од Русите со лансирање проектил на Кривји Рих е 18. Меѓу нив имало и девет деца – изјавил Сергеј Лисак, шеф на администрацијата на регионот Дњепропетровск, по завршувањето на интервенцијата, пренесува Index.hr.
Тела на улица, автомобили запалени…
На фотографиите објавени од украинската служба за итни случаи се гледаат неколку мртви, од кои едниот лежи пред лулашките.
На видеата објавени на социјалните мрежи, чија автентичност не можеше да се потврди, се гледаат тела како лежат на улица и чад се издигнува кон небото.
Други слики покажуваат автомобил во пламен додека луѓето се во паника.
– Ова е страдање што не би му го посакале ниту на вашиот најголем непријател – објави Лисак на Телеграм, додавајќи дека во нападот се повредени 61 лице, меѓу кои 12 деца.
– Во одвоен напад на руски дрон загина 56-годишна жена, а седум лица се повредени – додаде тој.
💔 Krivyi Rih, right now.
🤬 russia continues to kill civilians.
So far, 12 deaths are confirmed, and over 50 are injured.
How long will this fucking word tolerate russian terror? pic.twitter.com/mpuTf5g8XP
— UAVoyager🇺🇦 (@NAFOvoyager) April 4, 2025
Зеленски: Москва не сака прекин на огнот
– Пожарникарите гаснеа неколку пожари, а во бомбардирањето беа оштетени пет згради – напиша на Телеграм министерот за внатрешни работи Игор Клименко.
Руското Министерство за одбрана објави дека „извршило прецизен удар со ракета со силно експлозивна моќ врз ресторан“ во градот „каде се состанувале команданти на западните формации и инструктори“.
Претседателот Володимир Зеленски го осуди чинот дека покажува дека Москва „не сака прекин на огнот“, откако беа рестартирани дипломатските напори за изнаоѓање решение за конфликтот.
Андриј Коваленко, украински функционер задолжен за борба против дезинформациите, објави дека во нападот бил користен рускиот балистички ракетен систем Искандер, кој може да има дострел до 500 километри.
– Ова е планиран напад со цел да се убие голем број луѓе – нагласи Коваленко.