Четири лица се тешко повредени откако гром ги удрил недалеку од Белата куќа.
Двајца мажи и две жени биле во паркот Лафајет во Вашингтон за време на невремето кога биле погодени од гром, соопштија пожарникарите, пренесува Би-би-си.
Имајќи предвид дека паркот се наоѓа веднаш до резиденцијата на претседателот на САД, членовите на тајната служба биле меѓу првите кои им помогнале на настраданите.
Идентитетот на повредените сѐ уште не е потврден, јави Би-Би-Си.
Statement from @dcfireems regarding the lightning strike at Lafayette Park – #DCsBravest express sincere gratitude to the Uniformed Division of @SecretService and officers of US Park Police/@usparkpolicepio for rendering immediate medical care to the injured. #SaferStrongerDC pic.twitter.com/3ubPNA3MXn
— DC Fire and EMS (@dcfireems) August 5, 2022
Во моментот на ударот на гром тие биле до оградата што ја опкружувала Белата куќа.
„Сите претрпеа критични повреди опасни по живот“, соопшти пожарникарската служба на Вашингтон.
Сѐ уште не е утврдено дали жртвите се познавале и што правеле пред ударот на громот. По инцидентот тој дел од паркот бил затворен, а на терен се и итните служби.
Националната метеоролошка служба издаде предупредување за невреме во областа за четврток навечер.
Лафајет е јавен парк северно од Белата куќа. Често е преполн со посетители, особено во текот на летото.
Apparent lightning strike Lafayette Park NW. #DCsBravest on scene in the process of treating and transporting 4 patients, all in critical condition. pic.twitter.com/1jyCh44Q2n
— DC Fire and EMS (@dcfireems) August 4, 2022