Бројот на загинати од разорниот земјотрес во Мјанмар се искачи на 3.600 додека екипите за пребарување и спасување продолжуваат да пребаруваат низ урнатините.
Ова синоќа го соопшти Информативниот тим на Советот на државната администрација во Мјанмар.
Земјотрес со јачина од 7,7 степени според Рихтеровата скала го погоди Мјанмар на 28 март.
Како последица на земјотресот повредени се 5.017 лица, а 160 лица се уште се водат како исчезнати.
Новинската агенција Ксинхуа известува дека хуманитарните напори во регионот Сагаинг наишле на значителни пречки, првенствено затоа што операциите за пребарување и спасување не би можеле да продолжат без одобрение од воениот режим на Мјанмар.
Според „Мјанмар сега“, жртвите од земјотресот во Мјанмар најмногу се потпираат на локални непрофитни тимови за одговор при итни случаи за операциите за пребарување и спасување.
Бројот на загинати продолжува да расте, додека спасувачките операции се одложуваат на многу места поради недостаток на тешка механизација.
Спасувачките мисии се изведуваат само со физичка работа, бидејќи нема тешки машини, како ровокопачи, за чистење на урнатините“, рекол жител на Сагаинг, а пренесува „Мјанмар сега“.
„Како резултат на тоа, многу луѓе ги загубија животите непотребно“, додаде тој.
Покрај тоа, спасувачките тимови предводени од волонтери мора да добијат дозвола од воениот режим.
Тие мора да ги достават сите детали, како што е адресата на погодената зграда, до канцеларијата на воената хунта одговорна за надзор на операциите за пребарување и спасување, објавија локалните медиуми.