Бројот на загинати од цистерна со гас што експлодираше во саботата во Јоханесбург е речиси двојно зголемен на 15, соопштија властите, додавајќи дека го уапсиле возачот и го обвиниле за убиство.
Експлозијата, која го откорна покривот на одделот за итни случаи во Меморијалната болница Тамбо, уништи две куќи, неколку автомобили и повредени случајни минувачи, се случи кога возилото се запали додека се наоѓаше под низок мост на Бадник.
– Во однос на смртните случаи, оваа бројка сега е зголемена на 15, меѓу кои и тројца членови на болничкиот персонал – изјави во неделата вечерта министерот за здравство Џо Фала.
Фахла посочи дека бројот на жртвите може да се зголеми подоцна поради природата на повредите што некои преживеани ги добија во експлозијата во предградието Боксбург.
– Ни беше кажано дека од оние кои преживеаја, многу од нив имаат доста тешки изгореници, па ни претстои уште долг пат – рече тој, пренесе Ројтерс.