Британското Министерство за одбрана во последниот извештај се осврна на украинскиот напад во кој беше погодена училишната зграда во Макиивка, која е под руска контрола.
Руските вооружени сили ја користеле училишната зграда за воени цели, односно како сместување за војниците.
Зградата е целосно уништена, а руското Министерство за одбрана потврди дека во нападот загинале најмалку 89 припадници на руската армија.
Украинските власти тврдат дека бројот на жртви е многу поголем и наведуваат дека во нападот загинале околу 400 руски војници.
Зградата е на само 12,5 километри од првата линија
Со оглед на обемот на штетата, постои можност во близина на сместувањето на војниците да била складирана муниција, соопшти британското Министерство за одбрана.
Ако муницијата навистина била складирана во близина на училишната зграда, најверојатно се случиле секундарни експлозии по првичниот украински удар.
Британците наведуваат дека зградата е на само 12,5 километри од линијата на фронтот, каде што се водат интензивни конфликти.
Тие додаваат дека руската војска има долга историја на небезбедно складирање муниција, но посочуваат дека овој инцидент е јасен показател за тоа како непрофесионалните практики на руските вооружени сили придонесуваат за високата стапка на жртви.
Latest Defence Intelligence update on the situation in Ukraine – 04 January 2023
Find out more about the UK government’s response: https://t.co/sTvI8nDoqa
🇺🇦 #StandWithUkraine 🇺🇦 pic.twitter.com/hxvMq4spju
— Ministry of Defence 🇬🇧 (@DefenceHQ) January 4, 2023
Сите информации поврзани со најновите случувања со војната во Украина можете да ги прочитате ТУКА.