Бројот на илегални преминувања на јужната граница на САД е намален за 94 отсто во споредба со истиот период минатата година, изјави шефот на граничната патрола Мајк Бенкс.
Бенкс во интервју за Си-Би-Ес изјави дека заслугата за тоа е на мерките за борба против илегалната имиграција воведени од администрацијата на американскиот претседател Доналд Трамп.
Во текот на изминатите седум дена, рече Бенкс, агентите на граничната патрола запирале во просек по 285 мигранти дневно долж целата јужна граница, во споредба со приближно 4.800 во исто време минатата година.
Мерките кои најмногу придонесоа за ова, посочува Бенкс, се извршната наредба за затворање на американскиот систем за азил и краткорочното депортирање, како и откажувањето на политиката со која се дозволува влез на некои мигранти во земјата со владина дозвола.
Бенкс, исто така, вели дека распоредувањето на дополнителни трупи на јужната граница од страна на администрацијата на Трамп и одлуката да се распоредат војници од Националната гарда на Тексас како офицери за имиграција им помогнале на агентите на граничната патрола на теренот.
„Овие акции ефективно го запреа ослободувањето на мигрантите во внатрешноста на САД и испратија силно предупредување до оние кои размислуваат да патуваат до границата со САД дека најверојатно ќе бидат депортирани ако влезат во земјата без дозвола. Колку е поголема казната, толку е поголема одвраќањето“, рече Бенкс.