Австралиска стјуардеса на Qantas била итно пренесена во болница откако „необичен мирис“ довел до неочекувано пренасочување на летот во средата.
Боинг 737 бил во воздух повеќе од два часа пред да слета на пистата на аеродромот Кингсфорд Смит во Сиднеј нешто по 21 часот, според Flight Aware.
Компанијата „Квантас“, која е национална авиокомпанија на Австралија, му одговорила на Фокс Бизнис дека чудниот мирис во авионот предизвикал пренасочување на летот.
„Лет од Сиднеј до Велингтон се врати во Сиднеј откако беа примени извештаи за необичен мирис во кабината“, рече портпаролот.
„Авионот безбедно слета и ќе биде прегледан од инженери пред да се врати во употреба“.
Портпаролот додаде дека стјуардесата била пренесена во болница на лекарски преглед, но не ги откри нејзините симптоми или здравствената состојба.
Патниците и пилотите не биле загрозени.
Наводно, немало чад во кабината и пренасочувањето не било третирано како итно слетување.
Претставник на компанијата додаде дека Qantas работи на обезбедување сместување и алтернативи за патниците погодени од пренасочувањето.
На патниците ќе им биде обезбедено сместување и ќе бидат пренасочени на следниот достапен лет“, се вели во соопштението.
„Се извинуваме што им го прекинавме патувањето и им благодариме за разбирањето. Кантас активно го истражува инцидентот“.
Засега нема дополнителни информации.