Американците планираат да потрошат повеќе за божиќни и други празнични подароци оваа година, покажува традиционалната анкета на Галуп.
Американците годинава во просек ќе трошат по 1,01 илјади долари за празнични подароци, покажува истражувањето на Галуп спроведено од 6 до 20 ноември.
Во ноември минатата година изјавија дека на подароци во просек ќе потрошат по 975 долари, пренесува Хина.
Во исто време, испитаниците биле помалку воздржани во оценките за трошењето на празниците, а речиси половина од нив експлицитно изјавиле дека ќе потрошат повеќе за подароци.
„Просечниот износ во исто време е речиси ист како и во прелиминарната проценка објавена во октомври“, велат од Галуп, нагласувајќи го отстапувањето од резултатите од претходните години, кои вообичаено покажувале помал износ пред празниците.
Продажбите за празници обично се зголемуваат од година во година, во просек четири проценти годишно од 2000 година, според податоците од Асоцијацијата за малопродажба.
„Бидејќи инфлацијата остана под три проценти, неизвесноста во однос на исходот на претседателските избори е завршена и изгледите за американската економија се подобрија, се чини дека потрошувачите се подготвени да потрошат малку повеќе од вообичаено за празнични подароци“, заклучува Галуп. .