Компанијата Мајкрософт денеска соопшти дека презема „акции за ублажување“ на проблемите пријавени од корисниците, кои предизвикаа технички проблеми и прекини во функционирањето на компаниите и банките ширум светот.
Ова е причината зошто многу корисници ширум светот го виделе „синиот екран на смртта“ на своите компјутери.
Компанијата истражува прашања поврзани со обезбедувањето на клауд услуги во САД, како и проблем што влијаеше на неколку нејзини апликации и услуги, се вели во соопштението, а пренесува Би-би-си.
Во Австралија, голем број банки, медиуми и авиокомпании известија дека се изложени на масовен ИТ напад и нарушување на комуникациите.
BREAKING: Issue at cybersecurity firm Crowdstrike causing major IT problems around the world pic.twitter.com/jOQk5TLqjO
— BNO News (@BNONews) July 19, 2024
На аеродромот во Сиднеј откажани се летови, хаос во супермаркетите, а прекинати се и ТВ-мрежните програми поради дефект на компјутерските системи и графиката, јавува Би-Би-Си.
Само неколку часа пред Австралија, неколку американски авиокомпании исто така пријавија дека морале да ги откажат или одложат летовите поради проблеми со ИТ-врските.
Причината за нарушувањето на ИТ секторот не е јасна, но многумина кои беа засегнати го поврзаа со оперативните системи за компјутери на Мајкрософт.
Компаниите како што се Jetstar и Virgin Airlines го пријавија проблемот до Microsoft.
Банките и фирмите како Телстра и Гугл, исто така, регистрираа тешкотии.