Колин Стир (67) поминал години вадејќи земја од средновековен бунар за да најде тегла полна со злато. Но, еден пензионер од Плимут, Англија, не ископал дупка во својот двор или ливада, туку во дневната соба на својот дом.
Колин се преселил во викторијанска куќа од 19 век со сопругата и децата пред 30 години.
Необична нерамнина на подот веднаш им паднала во очи. Сонувајќи злато , еден ден нејзиниот сопруг конечно земал лопата и набрзо откри дека под софата има стар, закопан бунар. Историските дизајни покажуваат дека бунарот стоел на ова место во 16 век.
Тој сепак копал, но неговата сопруга го натерала да ја закопа дупката за да не падне едно од нивните три деца во неа. Децата растеле со годините, а кога Колин се пензионирал во 2011 година, тој се вратил на работа и тргнал во потрага по златото за кое размислувал сите тие години, седејќи на софата над затрупаниот бунар.
Со помош на соседот почнал да ја вади земјата користејќи кофа и јаже.
Најпрво, длабок метар и пол, наишол на дрвен меч завиткан во кожа. Потоа наишол на германски експлозиви. Тој дури и поставил светло во дупката и го обезбедил со врата, но сè престанало кога наишол на подземни води.
Тоа го забавило во намерата да копа понатаму, но сепак не се откажува од желбата да дознае што има на дното на бунарот.
– Би сакал да бидам Доктор Ху, да имам Тардис со кој ќе патувам низ времето во минатото и ќе откривам што се крие долу, вели Колин Стир, сè уште сонувајќи за богатството, пишува Мејл онлајн.