Пијанист вработен на крузер на „Ројал Карибиан“ е пронајден во критична состојба откако поминал речиси девет часа на површина во Тихиот Океан откако паднал од бродот.
Двајца рибари, кои ловеле марлин, го пронашле неидентификуваниот маж на околу 30 километри од брегот на островот Каталина, Калифорнија, објави CBS.
„Да, тоа е човечко суштество“
Шон Нортон и Грант Гарет ловеле риба кога забележале нешто што изгледало како човек во водата околу пладне.
„Помислив: „Да, тоа е човечко суштество. Запрете го бродот, ајде да ги извадиме сите наши рибарски конци од водата“, изјави Гарет за CBS.
Двајцата побрзале да го извлечат човекот на бродот и го нашле во состојба на шок откако поминал часови на отворено море.
„Грант и јас го зграпчивме за рака и го кренавме. Беше во целосен шок“, рече Нортон.
Кога доволно се опоравиl за да проговори, човекот им кажа на своите спасувачи дека работи како пијанист на 14-катниот „Овација на морињата“ на „Ројал Карибиан“.
„Сè што ми рече беше: „Ви благодарам. Мислев дека ќе умрам“, се присети Нортон.
Повикот за итна помош на море предизвика операција за спасување, во која беа вклучени спасувачи од Њупорт Бич.
„Имаме неверојатна година“
Командантот на крајбрежната стража, Адам Џисенда, изјави за овој медиум дека човекот бил пронајден приближно 15 до 20 милји од брегот, а властите проценуваат дека паднал од бродот приближно девет часа претходно.
Пијанистот бил однесен во болница и се очекува да преживее, според американската крајбрежна стража, која истражува како завршил во водата.
Нортон претпостави дека невообичаено високите температури на океанската вода можеби играле клучна улога во преживувањето на човекот.
„Имаме неверојатна година со супер феномен Ел Нињо. Овој човек веројатно поминал околу 10 часа во вода, но температурата на водата е 76 степени Фаренхајт (24 степени целзиусови)“, рече тој. „Да беше поинаква година, немаше шанси да преживее“.
Враќањето на „Овација на морињата“ во Лос Анџелес беше закажано за 6 ноември, околу 7:00 часот наутро по тихоокеанско време.
Спасувачите од Њупорт Бич проценија дека пијанистот паднал од бродот околу 2:30 часот наутро, неколку часа пред крузерот да пристигне во пристаништето.
Компанијата обично ги пренасочува своите бродови и започнува операции за пребарување кога патник или член на екипажот ќе падне во морето.
Сепак, патниците на бродот тврдат дека не биле издадени предупредувања по инцидентот, според TheTravel.com.