Стапката на невработеност во Шпанија се искачи на 10,18 проценти во третиот квартал од 2026 година, скок од 9,87 проценти во претходниот квартал и над пазарните очекувања од 9,9 проценти.
Бројот на невработени скокна за 95.900 или 3,8 проценти во споредба со претходниот квартал, што претставува најголем раст во третиот квартал од 2020 година.
Сепак, ова е најниската стапка на невработеност забележана во третиот квартал од 2007 година, објавува „Трејдинг економикс“.
Вкупниот број на невработени достигна 2,591 милиони. Од друга страна, вработеноста регистрираше мало зголемување од 73.600 работни места (0,3 проценти), што е најслабиот резултат за третиот квартал од 2019 година.
И покрај скромниот раст, вкупниот број на вработени достигна рекордни 22,852 милиони. Интересно е што бројот на вработени странски државјани се зголемил за 75.400 (два проценти), додека вработеноста кај шпанските државјани се намалила за 1.800 лица.
Гледано по сектори, јавниот сектор создал 89.900 нови работни места, додека во приватниот сектор биле затворени 16.300 работни места.
Вкупната работна сила се зголемила за 169.500 луѓе на рекордни 25,443 милиони, што ја зголемило стапката на активност на населението на 59,5 проценти.