Рускиот заменик-министер за надворешни работи Андреј Руденко денес изјави дека агендата на можна средба меѓу лидерите на Русија, Кина и Соединетите Американски Држави, Владимир Путин, Си Џинпинг и Доналд Трамп, на маргините на самитот на АПЕК, не треба да биде ограничена на поединечни теми.
„Веруваме дека агендата не треба да биде ограничена на специфични теми, туку треба да вклучува сеопфатен сет на прашања“, изјави Руденко за РИА Новости, додавајќи дека Москва ќе работи на тоа агендата да го одразува таквиот пристап.
Руденко нагласи дека Москва е посветена на одржување на трилатералниот состанок.
Трамп претходно изјави дека таков состанок на маргините на самитот на АПЕК е потребен првенствено за нуклеарно разоружување, а не за разговори за решавање на конфликтот во Украина.
На почетокот на октомври, помошникот на рускиот претседател, Јуриј Ушаков, ја објави можноста за трилатерален состанок.
Самитот на АПЕК ќе се одржи во Шенжен на 18 и 19 ноември, пренесува Танјуг.