Франција утре очекува до 100.000 демонстранти, полицијата доби дозвола да користи шок бомби

On:
Сподели со своите пријатели

Францускиот министер за внатрешни работи Лоран Нуњез денес изјави дека полицијата и специјалните сили ќе можат да ги користат сите расположливи средства за принуда за време на протестите закажани за утре, вклучително и шок бомби во случај на насилство.

Властите очекуваат помеѓу 50.000 и 100.000 демонстранти низ целата земја, освен Париз.

 

 

„Полициските службеници и жандармерите мора да можат да користат шок бомби и други средства за разбивање на демонстрациите што им се на располагање“, изјави Нуњез за телевизијата Франс 2, додавајќи дека се очекува прилично голема мобилизација, објави телевизијата БФМ.

ПРОЧИТАЈТЕ И:  Истанбул повторно погоден од страшна бура, има загинати (ВИДЕО)

Тој истакна дека шок бомбите не се користат кога демонстрациите се одвиваат без инциденти.

Неговата изјава дојде откако употребата на еден вид од овие уреди беше привремено суспендирана за време на протестот на средношколците, по инцидентот во Ленс, во кој еден ученик ја изгуби раката откако дојде во контакт со шок бомба.

 

 

За утре се најавени 250 демонстрации и 80 маршеви, додека официјално се регистрирани нешто повеќе од 40 собири, рече Нуњез.

ПРОЧИТАЈТЕ И:  „Пари за училишта, а не за војна“: Италијанските средношколци ги окупираа училиштата (ВИДЕО)

Според него, се очекуваат јавни демонстрации, спонтани собири и блокади.

Полицијата доби инструкции да ги обезбедува демонстрациите, да интервенира во случај на инциденти и да ги растура спонтаните собири кога тие го нарушуваат сообраќајот.

Нуњез, исто така, предупреди на можноста за насилство, наведувајќи дека во големите градови членови на екстремната левица се обидуваат да предизвикаат инциденти за време на протестите.

 

 

ПРОЧИТАЈТЕ И:  „Глечерот на судниот ден“ се топи побрзо и поагресивно отколку што очекуваа научниците

Според проценките на територијалната разузнавачка служба, се очекуваат помеѓу 50.000 и 100.000 луѓе на собирите низ цела Франција, со исклучок на парискиот регион.

За Париз, се проценува дека помеѓу 20.000 и 40.000 демонстранти би можеле да присуствуваат на протестите.