Соединетите Американски Држави и Канада не успеаја да постигнат трговски договор по маратонските разговори, па Вашингтон ќе воведе царини од 50 проценти за одредени канадски производи, објавија двете страни доцна во петокот.
Висок функционер на администрацијата на Трамп изјави дека царините по Член 338 за канадска стока во вредност од околу 20 милијарди долари ќе стапат на сила веднаш по полноќ во сабота по локално време.
Во изјава за Ројтерс, тој додаде дека во неколку области Канада побарала поголеми царински концесии отколку што САД биле подготвени да дадат.
Канадскиот премиер Марк Карни изјави дека ги прекинал трговските преговори и дека Канада ќе возврати, долар за долар, со новите царини.
„Промените направени во последен момент од страна на САД во предложените услови беа неправедни, неекономични и го доведоа во прашање кредибилитетот на кој било договор“, рече Карни во изјава, оправдувајќи го одбивањето на Отава да го потпише договорот со администрацијата на Трамп.
На овој неуспех му претходеа три последователни дена преговори меѓу трговските претставници на САД и Канада.