Борбата за контрола на Ормускиот теснец стана клучна точка во војната во Иран. Во текот на изминатите неколку месеци, и Иран и САД ја презедоа предноста, а нивната спротивставена реторика предизвика голема конфузија и сомнеж. Кој го контролира теснецот сега?
Во моментов, доказите се јасни: САД, кои патролираат низ теснецот со своите воени бродови, напредуваат – додека Иран губи голем дел од својата контрола врз овој клучен воден пат, пишува CNN.
Повеќе од 80 проценти од транзитот на бродови низ Ормускиот теснец во изминатите две недели се одвиваше преку оманската рута, пишува овој медиум, бродски коридор одобрен од Обединетите нации, на што Иран остро се спротивставува, според Kpler, компанија која го следи движењето на бродовите користејќи транспондери и сателитски податоци.
Иран, кој тврди дека теснецот е под негова контрола, нападна десетици бродови кои се обидоа да се движат по водниот пат долж северниот брег на Оман.
И покрај ризикот, повеќето бродови неодамна одлучија да ги игнорираат барањата на Иран и да поминат низ теснецот со ветување за поморска заштита од САД.
Ова е во спротивност со ситуацијата пред еден месец, според CNN, кога Kpler регистрираше речиси целосно отсуство на бродски сообраќај на оманската рута.
Остриот пад на сообраќајот по преферираната рута на Иран го спречи Иран да наплаќа патарини за бродовите што минуваат низ теснецот, како што направи во текот на пролетта.
Истекувањето на Меморандумот за разбирање меѓу САД и Иран оваа недела теоретски, според овој напис, му овозможува на Иран повторно да започне со наплата на патарини. Сепак, според податоците на Kpler, се чини дека земјата досега не успеала да ги наплати.
САД, со значителна воена сила на море, ги следат сите бродови што минуваат низ теснецот и известуваат за многу поголем обем на нафтен сообраќај отколку што претходно укажуваа повеќето традиционални проценки.