Алек Петкоски е новото засилување на МКК Куманово, откако клубот потврди дека 21-годишниот бек од денес е дел од тимот.
Петкоски е роден на 16 октомври 2004 година, висок е 190 сантиметри и настапува на бековската позиција.
Во досегашната кариера има настапувано за КК Маџари во Првата лига и Суперлигата на Македонија, а претходно бил дел и од екипите на ТФТ и Феникс 2010.
Новиот член на МКК Куманово има и искуство со младинските репрезентации на Македонија.
Од клубот му посакаа добредојде на Петкоски во „семејството на МКК Куманово“ и успех во продолжението на кариерата.
Претходно клубот се засили со Бобан Стајиќ и Бојан Крстевски, додека Андреја Стевановиќ го продолжи својот договор.
На тренерската позиција и сезонава останува Марин Докузовски.
Никола Ивановски