Иран тврди дека постигнал договор со Оман за планот за транзит на бродови низ Ормутскиот Теснец и дека двете земји сега работат на финализирање на заедничката изјава.
Портпаролот на иранското Министерство за надворешни работи, Есмаил Багаи, изјави за новинарите во Техеран дека „постигнат е договор во врска со картата на транзитната рута“.
Тој не соопшти детали.
Според претходните информации, договорот повторно би го отворил Ормускиот теснец, а бродовите би влегувале преку трасата во близина на Иран и излегуваат преку рутата кај Оман, без да плаќаат такси во периодот на транзиција.
САД бараа прифатлив договор за отворање на теснецот пред да ја прекинат блокадата на иранските пристаништа.
Багаи рече дека разговорите со Оман се бавни и дека двете земји планираат да го финализираат договорот во форма на пакет кој вклучува транзитна карта и заедничка изјава за договорот.
Рокот од 60 дена за завршување на војната, предвиден во меморандумот за разбирање меѓу Техеран и Вашингтон, истече без никаков знак за договор меѓу двете страни.