Француските пратеници во средата усвоија закон за евтаназија со кој ќе се создаде законско право на асистирано умирање за терминално болни возрасни лица, со што ќе се стави крај на интензивна етичка и политичка дебата.
Законот, под строги услови, ќе му дозволи на лице кое ќе го побара тоа да прими смртоносна супстанца.
Супстанцата може да се администрира самостојно или, доколку лицето е физички неспособно да го стори тоа, да му се администрира од лекар или медицинска сестра.
Пристапот до асистирано умирање ќе биде ограничен на возрасни лица кои се француски државјани или легални жители на Франција, кои страдаат од тешка и неизлечива болест која е опасна по живот и се во напредна или терминална фаза, доживуваат континуирано физичко или психолошко страдање поврзано со таа состојба и се способни да изразат слободен и информиран избор, објавува Ројтерс.