Земјотрес ја погоди Грција, властите ги затворија дел од училиштата

On:
Сподели со своите пријатели

Грчкиот остров Евија утрово го погоди земјотрес со јачина од 4,3 степени според Рихтеровата скала, соопшти Европско-медитеранскиот сеизмолошки центар (EMSC).

Епицентарот на земјотресот бил на длабочина од четири километри и на 78 километри од градот Перистери.

Земјотресот се случи во 5 часот и 13 минути по локално време и предизвика вознемиреност кај жителите од областа, особено ако се земе предвид дека Евија вчера беше погодена од серија земјотреси, од кои најсилниот беше 5,2 степени, пренесува Прототема.

 

 

ПРОЧИТАЈТЕ И:  Италија забрани сексуално образование во основните училишта поради „родова пропаганда“

Засега нема извештаи за повредени или материјална штета.

Поради континуираната сеизмичка активност, властите превентивно одлучија неколку основни и средни училишта во областа да останат затворени.

Противпожарните служби соопштија дека се во состојба на зголемена оперативна готовност.