Ракометарките на Куманово вчеравечер на домашен терен славеа со 37:32 над РК Спартак и освоија можнст за пласман на Европскиот ЕХФ Куп.
Возбудливо прво полувреме прикажаа двете екипи и игра гол за гол, во која никој не успеваше да направи резултатска предност.
На полувреме екипите заминаа изедначени, за да во вториот дел кумановки се вратат фуриозно и на крајот слават со 37:32.
Со оваа победа освен што ја зацврстија својата 4. позиција во табелата пред самиот крај на првенството, избраничките на тренерот Александар Бојковски остварија и можност да се натпреваруваат во следната сезона на женскиот Европски ЕХФ Куп.
Во составот на Куманово извонредна игра прикажа Португалката Мариана Силва Азеведо со дури 13 реализирани погодоци, девет гола запиша и Нена Несторовска, а два помалку Бразилката Аманда Стеин.
Кај гостинскиот состав со 12 голови најефикасна беше Анастасија Николовска, додека два помалку запиша и Сара Цветановска.
До крајот на оваа натпреварувачка сезона остануваат уште две кола. Во недела кумановки го пречекуваат Чаир, а потоа следува завршниот меч против Пелистер.
Засега четвртото место на кумановки им е загарантирано.
Никола Ивановски