Не е сигурно каде точно се наоѓа израелскиот премиер Бенјамин Нетанјаху откако иранските сили го погодија кабинетот на Нетанјаху во 10-тата фаза од ракетните напади, објави денес Иранската револуционерна гарда (ИРГК).
Кабинетот на Нетанјаху и седиштето на израелските воздухопловни сили беа погодени од ирански ракети, објавува Тасним.
„Резиденцијата на премиерот на криминалниот режим и седиштето на израелските воздухопловни сили беа подложени на тешки напади од страна на вооружените сили на Исламската Република Иран“, се вели во соопштението на ИРГК.
Во меѓувреме, израелски извори изјавија дека планираната посета на Нетанјаху на градот Беит Шемеш, кој беше цел на ирански ракетни напади претходниот ден, е откажана, додаде агенцијата.
Последното видео од Нетанјаху е објавено пред пет часа, додека оттогаш не се објавени нови фотографии или видео материјали, според ирански извори, додавајќи дека во моментов нема детални информации за неговата состојба или местоположба во израелските медиуми на хебрејски јазик.
Иран започна одмазднички ракетни напади врз израелски цели откако Израел и САД извршија напади врз Иран во саботата, јавува Танјуг.