Сенатот на Аргентина ја усвои реформата на законот за заштита на глечерите на Андите, на предлог на владата на претседателот Хавиер Милај, со цел да се овозможат нови инвестиции во рударството.
40 сенатори гласаа за законот, додека 31 беа против него, објави Ројтерс.
За време на гласањето, еколошките групи протестираа пред Конгресот.
Предлогот сега оди во долниот дом на парламентот за понатамошна одлука.
Владата вели дека сака да „ги прекине произволните толкувања“ на постојниот закон од 2010 година, за кој тврди дека ги попречил инвестициите и економскиот развој.
Со усвојувањето на реформата, покраините ќе добијат право да ги постават своите стандарди за заштита на глечерите и периглацијалните области, кои претставуваат важни резерви на слатка вода.
Рударските компании веруваат дека се потребни појасни дефиниции за да се овозможи долгорочно инвестирање, додека еколошките групи предупредуваат дека промените би можеле да ја ослабнат заштитата на водните ресурси.
Претставничката на „Гринпис Аргентина“ Агостина Роси Сера процени дека реформата може да доведе до недостиг на вода и негативно да влијае врз населението, пренесува Танјуг.