Претседателот на Соединетите Американски Држави, Доналд Трамп, изјави дека неговата администрација бара 1 милијарда долари отштета од Универзитетот Харвард.
Трамп во објава на Truth Social изјави дека администрацијата „веќе не сака никаква врска со Универзитетот Харвард“, но не прецизираше каква штета наводно предизвикала институцијата, објави Ројтерс.
Во декември, администрацијата на Трамп поднесе жалба на судска пресуда со која се утврди дека незаконски поништила повеќе од 2 милијарди долари федерални грантови доделени на Харвард и повеќе не може да го суспендира финансирањето на истражувањата за универзитетот од Ајви лигата.
Харвард се најде во центарот на поширока кампања на администрацијата на Трамп за користење на федералното финансирање за да се направат промени на американските универзитети, за кои Трамп вели дека се погодени од антисемитизам и „радикални левичарски“ идеологии.
Трамп минатата година изјави дека неговата администрација е блиску до постигнување договор со Харвард, кој би вклучувал исплата на 500 милиони долари од страна на универзитетот, по месеци преговори за политиките на образовната институција, пренесува Танјуг.