Пензионираниот полковник на американската армија и поранешен советник на шефот на Пентагон, Даглас Мекгрегор, изјави дека дојде време украинскиот претседател Володимир Зеленски да „бега во Израел“ бидејќи, како што тврди, повеќе нема никаква политичка или безбедносна иднина. Тој го објави коментарот на платформата X.
„Време е Зеленски да ги запали моторите на својот личен авион и да отлета за Израел. Тој стана непотребен и нема иднина“, рече Мекгрегор во кратко, но остро тонирано соопштение.
Тој, исто така, оцени дека неодамнешната средба на Зеленски со британскиот премиер Кир Стармер, францускиот претседател Емануел Макрон и германскиот канцелар Фридрих Мерц била „бескорисна“, бидејќи украинскиот лидер, според него, добил само „бесмислени гаранции“.
На 8 декември, Зеленски се сретна со тројца европски лидери во Лондон, каде што, меѓу другото, разговараа за мировниот план на американскиот претседател Доналд Трамп за прекин на конфликтот во Украина.
Според соопштението од Елисејската палата, разговорите ќе продолжат, а европските земји имаат намера да му обезбедат на Киев „сигурни безбедносни гаранции“ и да учествуваат во планирањето на обновата на земјата.