По повод празникот Свети Димитриј – Митровден, во петок на 7 ноември 2025 година со почеток во 18 часот, ќе се одржи голем настан во црквата во кумановското село Тромеѓа.
На празничната прослава ќе настапат познатите изведувачи Орце Стефковски, Јована Богдановска и Гоце Синтезис, кои ќе се погрижат за одлична атмосфера и богата музичка програма.
Претходно, истиот ден, со почеток во 16 часот, свештени лица ќе одржат и литургија во црквата.
Организаторите ги покануваат сите граѓани да присуствуваат и заеднички да го одбележат Митровден, еден од најголемите есенски христијански празници.
„Ве очекуваме во голем број“, порачуваат домаќините од Тромеѓа.
Никола Ивановски