Соседите на Русија „имаат добра причина да се плашат“ од нападот и Москва мора веднаш да ги запре своите провокации, изјави данскиот министер за надворешни работи Ларс Локе Расмусен.
„Руските провокации мора веднаш да престанат, затоа денес ѝ велиме на Руската Федерација – повлечете се. Повлечете се! Изберете друг пат. Нема да дозволиме европската безбедносна архитектура да биде уништена“, рече Расмусен.
Тој нагласи дека нарушувањето на воздушниот простор ги поткопува „фундаменталните темели на меѓународното право“ и предупреди дека земјите во близина на Русија стравуваат дека би можеле да бидат следната цел.
За потсетување, на 10 септември, полскиот премиер Доналд Туск изјави дека руските беспилотни летала го нарушиле полскиот воздушен простор, иако не презентираше докази дека беспилотните летала биле лансирани од Русија.
Неколку дена подоцна, на 19 септември, претставници на ЕУ и НАТО ја обвинија Москва за сличен инцидент над Естонија.
Во исто време, данскиот премиер остро му одговори на рускиот амбасадор во Копенхаген.
Во исто време, според некои аналитичари, ваквите провокации најмногу ѝ користат на Украина, бидејќи ѝ даваат силен аргумент да бара нови санкции против Москва и дополнителни испораки на оружје.