Центрите за контрола и превенција на болести (CDC) на САД издадоа предупредување за безбедност на храната поради епидемија на салмонела за која велат дека е поврзана со готови оброци од Metabolic Meals.
„CDC и здравствените власти во неколку држави истражуваат епидемија на инфекции со салмонела поврзани со одредени готови оброци обезбедени од Metabolic Meals“, се вели во соопштението, според ABC News.
Според CDC, до моментот кога беше издадено предупредувањето, најмалку 16 лица во 10 држави беа потврдени како заразени, а од 15-те лица за кои има достапни податоци, седум беа хоспитализирани.
Салмонелата е бактерија што предизвикува околу 1,35 милиони инфекции во САД секоја година, а најчестиот извор е контаминирана храна.
Симптомите на инфекција вклучуваат болки во стомакот, треска, главоболка, дијареја, губење на апетит, гадење и повраќање.